اسلحہ لائسنس بنوانے کے خواہشمند افراد کے لیے بڑی خبر! وزراتِ داخلہ نے بڑا قدم اُٹھا لیا

اسلام آباد(نیوز ڈیسک) وزارت داخلہ نے پاکستان آرمز رولز 2021 کا گزٹ نوٹیفکیشن جاری کر دیا، جس کی تفصیلات نادرا کو ارسال کر دی گئی ہیں۔
نوٹیفکیشن کے مطابق تجدید کے حصول کیلئے ممنوعہ بور فیس 8 ہزار جبکہ غیر ممنوعہ بور کی فیس 4 ہزار مقرر کردی گئی ہے۔ ممنوعہ بور لائسنس اجراء کا اختیار وزیر داخلہ کے پاس ہوگا، کم از کم 1 لاکھ سالانہ ٹیکس فائلر کی شرط لازمی جبکہ دو لائسنس حاصل کئے جا سکیں گے۔غیر ممنوعہ بور لائسنس کا اختیار سیکرٹری داخلہ کے سپرد اور کم از کم سالانہ 50 ہزار ٹیکس فائلر کی شرط لازمی ہوگی۔مصدر پاکستان، وزیراعظم، چیئرمین سینٹ، سپیکر قومی اسمبلی، چیف جسٹس سپریم کورٹ اور چیف جسٹس ہائی کورٹ غیر ممنوعہ کے دو لائسنس حاصل کر سکیں گے۔ وزراء اعلی، گورنرز، وفاقی وزراء، ممبر سینٹ اور ممبران قومی اسمبلی بھی غیر ممنوعہ بور کے دو لائسنس حاصل کر سکتے ہیں۔ اسی طرح گریڈ 22 کے وفاقی سیکٹریز بھی ممنوعہ بور لائسنس حاصل سکیں گے جبکہ گریڈ 21 کے افسر کیلئے متعلقہ محکمہ کے سربراہ سے این او سی حاصل کرنا ہوگا۔

50% LikesVS
50% Dislikes

اپنا تبصرہ بھیجیں